ບໍລິສັດ ລ້ານຊ້າງປະກັນໄພ ໄດ້ມອບໂຮງຮຽນອະນຸບານຫ້ວຍຕົມ ລວມມູນຄ່າ 370,000,000 ກີບ

       ບໍລິສັດ ລ້ານຊ້າງປະກັນໄພ ໄດ້ມອບໂຮງຮຽນອະນຸບານຫ້ວຍຕົມ ພ້ອມດ້ວຍປັບປຸງສ້ອມແປງອາຄານໂຮງຮຽນຫຼັງເກົ່າ ລວມມູນຄ່າ 370,000,000 ກີບ
ໃນຕອນເຊົ້າຂອງວັນທີ 28 ເດືອນ ກຸມພາ ປີ 2019 ນີ້ບໍລິສັດ ລ້ານຊ້າງປະກັນໄພ ມະຫາຊົນ ໄດ້ມີພິທີມອບ-ຮັບ ໂຄງການກໍ່ສ້າງໂຮງຮຽນອະນຸບານຫ້ວຍຕົມ, ທີ່ບ້ານ ໃໝ່ປາກສັງ, ເມືອງ ສັງທອງ, ນະຄອນຫຼວງວຽງຈັນ, ເຊິ່ງໃນການຊ່ວຍເຫຼືອໃນຄັ້ງນີ້ໄດ້ປະກອບມີ: ສ້າງໂຮງຮຽນອານຸບານຫຼັງໃຫມ່1ຫລັງ, ພ້ອມດ້ວຍປັບປຸງສ້ອມແປງອາຄານໂຮງຮຽນຫຼັງເກົ່າໃຫ້ແກ່ໂຮງຮຽນປະຖົມສົມບູນຫ້ວຍຕົມ, ເມືອງ ສັງທອງ, ນະຄອນຫຼວງວຽງຈັນ, ເຊິ່ງລວມມູນຄ່າທັງໝົດແມ່ນ 370,000,000 ກີບ 
     ໃນພິທີດັ່ງກ່າວນີ້ໃຫ້ກຽດເຂົ້າຮ່ວມໂດຍ: ທ່ານ ນ. ແກ້ວ ພົມມະລາດ ກຳມະການພັກເມືອງ, ຮອງເຈົ້າເມືອງເມືອງສັງທອງ, ທ່ານ ແສງອາລຸນ ວົງພູທອນ ຮອງພະແນກສຶກສານະຄອນຫຼວງ, ທ່ານ ວູ ວັນ ຮວາ ທູດເສດຖະກິດ ວັດທະນາທຳ ແລະ ການສຶກສາຫວຽດນາມປະຈຳລາວ,ທ່ານ Kim Sang Youn ຕາງໜ້າມູນນິທິວັດທະນາທຳ Kim Jun Ki, ທ່ານ Kim Kang Wook ຮອງປະທານສະພາບໍລິຫານ PTI, ທ່ານ Do Dang Khang ຜູ້ອຳນວຍການ ບໍລິສັດລ້ານຊ້າງປະກັນໄພ, ທ່ານ Pham Quang Phuຮອງປະທານ ສະມາຄົມນັກທຸລະກິດຫວຽດນາມຢູ່ລາວ ພ້ອມທັງນ້ອງໆນັກສຶກສາຈາກເກົາຫຼີ, ນັກສຶກສາຈາກມະຫາວິທະຍາໄລແຫ່ງຊາດລາວ, ນັກຮຽນຄູອາຈານ ໂຮງຮຽນຫ້ວຍຕົມ, ພະນັກງານລັດ ແລະ ເອກະຊົນພ້ອມດ້ວຍຄະນະຮັບຜິດຊອບຂອງແຕ່ລະພາກສ່ວນກໍ່ໃຫ້ກຽດເຂົ້າຮ່ວມຢ່າງພ້ອມພຽງ.

              

             

             

 

Similar Posts

BUY INSURANCE