ບໍລິສັດ ລ້ານຊ້າງປະກັນໄພ ມະຫາຊົນ ໄດ້ຈັບມືລົງນາມເຊັນສັນຍາ ກັບ ທະນາຄານ ເອຊີລີດາ ລາວ ຈຳກັດ
ໃນວັນທີ 06 ທັນວາ 2018 ທີ່ຜ່ານມານີ້ ບໍລິສັດ ລ້ານຊ້າງປະກັນໄພ ມະຫາຊົນ ໄດ້ຈັບມືລົງນາມເຊັນສັນຍາ ກັບ ທະນາຄານ ເອຊີລີດາ ລາວ ຈຳກັດ ເພື່ອພັດທະນາການບໍລິການ ຂາຍປະກັນໄພ ຜ່ານທາງທະນາຄານຢ່າງເປັນທາງການ, ໂດຍເປັນກຽດເຂົ້າຮ່ວມຂອງ ທ່ານ ດຣ. ຮາຍ ສະວາຍ ຜູ້ອຳນວຍການໃຫຍ່ທະນາຄານ ເອຊີລີດາ ລາວ ຈຳກັດ, ທ່ານ ໂດ໋ ດັງ ຄາງ ຜູ້ອຳນວຍການບໍລິສັດ ລ້ານຊ້າງປະກັນໄພ ມະຫາຊົນ, ທ່ານ ສູນທອນ ຈັນທະວົງ ຫົວໜ້າສູນບໍລິການທະນາຄານພັດທະນາລາວ ພ້ອມດ້ວຍບັນດາຄະນະ ແລະ ພະນັກງານທັງສອງຝ່າຍກໍ່ໄດ້ເຂົ້າຮ່ວມເປັນສັກຄີພິຍານ.
ເຊິ່ງຄູ່ຮ່ວມທຸລະກິດທັງສອງໄດ້ເຫັນໂອກາດທາງທຸລະກິດຂອງການປະກັນໄພທີ່ນັບມື້ນັບມີການຂະຫຍາຍຕົວຕາມສະພາບເສດຖະກິດ ແລະ ເຫັນຄວາມສຳຄັນໃນເລື່ອງການປະກັນໄພຂອງບັນດາຜູ້ຊົມໃຊ້ ທີ່ນັບມື້ນັບເພີ່ມຂຶ້ນບໍ່ວ່າຈະເປັນ ອົງກອນຕ່າງໆ, ນັກທຸລະກິດ, ຊາວຄ້າຂາຍ ແລະ ປະຊາຊົນທົ່ວໄປ.
ດັ່ງນັ້ນ ທັງສອງຄູ່ຮ່ວມຈຶ່ງໄດ້ເຊັນສັນຍາຮ່ວມມືທາງທຸລະກິດ ໂດຍທາງ ທະນາຄານ ເອຊີລີດາ ລາວ ຈຳກັດ ຈະເປັນຜູ້ນຳສະເຫນີຂາຍປະກັນໄພຂອງ ບໍລິສັດ ລ້ານຊ້າງປະກັນໄພ ມະຫາຊົນ ໃຫ້ແກ່ລູກຄ້າຂອງທະນາຄານໃນສຳນັກງານໃຫຍ່, ສາຂາ ແລະ ປ່ອງບໍລິການຕ່າງໆທົ່ວປະເທດ.
ນອກນັ້ນ ທັງສອງຝ່າຍຍັງມີແຜນພັດທະນາດ້ານຜະລິດຕະພັນປະກັນໄພ ເພື່ອຕອບສະຫນອງຄວາມສະດວກສະບາຍໃຫ້ແກ່ລູກຄ້າຂອງທະນາຄານ ເອຊີລີດາ ລາວ ຈຳກັດ ແລະ ບໍລິສັດ ລ້ານຊ້າງປະກັນໄພ ມະຫາຊົນ ອີກດ້ວຍ.
Similar Posts
-
ບໍລິສັດ ລ້ານຊ້າງປະກັນໄພ ມີປະກັນໄພລົດຫຼາກຫຼາຍປະເພດ
ບໍລິສັດ ລ້ານຊ້າງປະກັນໄພ ມີປະກັນໄພລົດຫຼາກຫຼາຍປະເພດ