ປະກາດຮັບສະໝັກພະນັກງານ (ດ່ວນ)

                                                                                     ປະກາດຮັບສະໝັກພະນັກງານ (ດ່ວນ)

          ບໍລິສັດລ້ານຊ້າງປະກັນໄພມະຫາຊົນ (LAP) ເປັັນບໍລິສັດໜຶ່ງທີ່ຈັດຢູ່ໃນອັນດັບ 1 ໃນ 3 ບໍລິສັດປະກັນໄພທີ່ໃຫຍ່ທີ່ສຸດໃນ  ສ ປປ ລາວ, LAP ເປັນບໍລິສັດຮ່ວມທຶນ ລະຫວ່າງ ທະນາຄານພັດທະນາລາວ ແລະ ບໍລິສັດ ປະກັນໄພໄປສະນີ  ຫວຽດນາມ.

ປັດຈຸບັນບໍລິສັດລ້ານຊ້າງປະກັນໄພມະຫາຊົນ ເປັນບໍລິສັດທີ່ມີທ່າກ້າວ, ຂະຫຍາຍຕົວຂຶ້ນຢ່າງວ່ອງໄວ ແລະ ໄດ້ມີເຄືອຄ່າຍຕົວແທນປະກັນໄພກະຈາຍທົ່ວປະເທດຢ່າງກ້ວາງຂວາງ. ເພື່ອຮອງຮັບກັບການໃຫ້ບໍລິການແກ່ລູກຄ້າໃຫ້ທັນກັບສະພາບການໃນທຸກຂົງເຂດ.

ດັ່ງນັ້ນ, ບໍລິສັດລ້ານຊ້າງປະກັນໄພ ຈຶ່ງມີຄວາມຕ້ອງການຮັບສະໝັກພະນັກງານເພີ່ມດັ່ງລຸ່ມນີ້:

  1. ຕຳແໜ່ງຮັບສະໝັກ: ພະນັກງານພະແນກລູກຄ້າວິສາຫະກິດ (ຮັບຜິດຊອບລູກຄ້າ VIP) ຈໍານວນ 2 ຕຳແໜ່ງ
  2. ສະຖານທີ່ເຮັດວຽກ: ບໍລິສັດ ລ້ານຊ້າງປະກັນໄພ ມະຫາຊົນ ສຳນັກງານໃຫຍ່, ນະຄອນຫຼວງວຽງຈັນ
  3. ໜ້າທີ່ຕ້ອງປະຕິບັດ:
  • ວາງແຜນການດຳເນີນທຸລະກິດປະຈຳປີ
  • ຊອກຫາລູກຄ້າເພື່ອນຳສະເໜີຜະລິດຕະພັນຂອງບໍລິສັດ
  • ສ້າງລາຍຮັບ ແລະ ພັດທະນາລາຍຮັບໃຫ້ພະແນກກໍຄືບໍລິສັດ
  • ຄຸ້ມຄອງລູກຄ້າທີ່ຕົນເອງຊອກມາ ແລະ ລູກຄ້າບໍລິສັດມອບໃຫ້
  • ສົ່ງເສີມໃຫ້ລູກຄ້າຊົມໃຊ້ຜະລິດຕະພັນຕາມປົກກະຕິິ
  • ພົບປະ, ສ້າງສາຍພົວພັນກັບລູກຄ້າຕາມການຈັດສັນຂອງບໍລີສັດ
  • ລົງລະບົບການຂາຍ, ລາຍງານການຂາຍປະຈຳວັນ, ຕັດເງິນໃນລະບົບ, ລາຍງານການຕໍ່ສັນຍາຂອງລູກຄ້າ, ສະຫຼຸບການຂາຍ
  • ສ້າງໃບສະເໜີລາຄາ ແລະ ເຮັດສັນຍາໃຫ້ລູກຄ້າ
  • ແລະວຽກງານອື່ນໆຕາມກນມອບໝາຍຂອງບໍລິສັດ

      IV. ເງື່ອນໄຂໃນການສະໝັກ (ເພດຍິງ ອາຍຸບໍ່ເກີນ 35 ປີ)

  • ລະດັບການສຶກສາ.
  • ຈົບຊັ້ນສູງຂື້ນໄປຈາກ ມະຫາວິທະຍາໄລແຫ່ງຊາດ ຫຼື ສະຖາບັນການທະນາຄານ ຫຼື ສະຖາບັນອື່ນໆ...
  • ລະດັບຄວາມສາມາດ.
  • ສາມາດໄປວຽກຕ່າງແຂວງໄດ້
  • ສາມາດເຮັດວຽກພາຍໃຕ້ຄວາມກົດດັນໄດ້
  • ສາມາດເຮັດວຽກນອກໂມງໄດ້
  • ສາມາດນຳໃຊ້ອອຟຟິດ (word, excel, powerpoint) ໄດ້ດີ
  • ບຸກຄະລິກສ່ວນຕົວ.
  • ເປັນຄົນນິໃສເບິກບານມ່ວນຊື່ນ, ອາລົມດີ ແລະ ມີມະນຸດສຳພັນດີ
  • ລະດັບລວງສູງຕ້ອງ 160 cm ຂື້ນໄປ
  • ຮູບຮ່າງໜ້າຕາດີ ແລະ ສະຖານະໂສດ
  • ຖ້າຮູ້ພາສາອັງກິດ ຫຼື ພາສາຈີນຈະພິຈາລະນາເປັນພິເສດ

       V. ສິດຜົນປະໂຫຍດຈະໄດ້ຮັບ

  • ເງິນເດືອນ: ຕາມການເຈລະຈາຕົວຈິງ
  • ມີປະກັນສັງຄົມ, ປະກັນສຸຂະພາບ
  • ອຸດໜູນກິນເຂົ້້າທ່ຽງ, ອຸດໜູນໄປວຽກຕ່າງແຂວງ
  • ຂື້ນເງິນເດືອນຕາມຄວາມສຳເລັດຂອງທຸລະກິດ
  • ກວດສຸຂະພາບຮອບດ້ານທຸກໆປີ ແລະ ໄດ້ໄປທ່ອງທ່ຽວຕາມແຜນຂອງບໍລິສັດ
  • ໄດ້ເຂົ້າຮ່ວມບັນດາໂຄງການ, ການຝຶກອົບຮົມເພື່ອພັດທະນາໂຕເອງ
  • ແລະອີກຫຼາຍໆນະໂຍບາຍອື່ນຈາກລ້ານຊ້າງເຊັນ: ລາງວັນທ້າຍປີ, ອຸດໜຸນບັນດາເທດສະການ, ວັນເກີດ, ເກີດລູກ, ເຈັບໄຂ້, ຊຸດເຄື່ອງແບບພະນັກງານ....
  • ມີວຽກງານທີ່ໜັ້ນຄົງ.
  • ໄດ້ຮັບມິດຕະພາບທີ່ດີ, ມີຄວາມທ້າທາຍ, ເຮັດວຽກແບບມືອາຊີບ ແລະ ສະພາບແວດລ້ອມແບບສາກົນ.

      VI. ວິທີໃນການສະໝັກ

  • ສາມາດດາວໂຫຼດຟອມສະໝັກທີ່ Website: lap.com.la ຫຼື ເຂົ້າມາພົວພັນເອົາທີ່:ບໍລິສັດ ລ້ານຊ້າງ ປະກັນໄພ ມະຫາຊົນ ສຳນັກງານໃຫຍ່ ຕັ້ງຢູ່ ຖະໜົນ ໄກສອນ, ບ້ານ ໂພນໄຊ, ເມືອງ ໄຊເສດຖາ, ນະຄອນຫຼວງວຽງຈັນ, ເບີໂທຕິຕໍ່: 021 990999, 021 991999
  • ສາມາດສົ່ງຟອມສະໝັກມາທີ່ email: contact@lap.com.la ຫຼື ເຂົ້າມາສົ່ງທີ່: ບໍລິສັດລ້ານຊ້າງປະກັນໄພ ມະຫາຊົນ ສຳນັກງານໃຫຍ່.

      VII. ເອກະສານສະໝັກປະກອບມີ:

  • ໃບສະໝັກວຽກຂອງບໍລິສັດ (ຕ້ອງມີ)
  • ຊີວະປະຫວັດ ພາສາລາວ/ອັງກິດ
  • ປາກາສະນີຍະບັດ, ໃບຈົບຊັ້ນວິສາສະເພາະ... ສະບັບກັອບປີ້.
  • ບັດປະຈຳຕົວ, ພາສປອດ ສະບັບກັອບປີ້
  • ເອກະສານອື່ນໆທີກ່ຽວຂ້ອງ.

ສົນໃຈສອບຖາມເພີ່ມເຕີມທີ່ເບີ:     020 5227 7344 ທ່ານ ແສນ ໄຊຍະແສງ

ໝາຍເຫດ: ເລີ່ມເປີດຮັບສະໝັກ ແຕ່ວັນທີ 10/03/2021 ຈົນເຖິງວັນທີ 24/03/2021

 

  • ຮັບຟອມ ແລະ ສົ່ງຟອມຢູ່ບໍລິສັດໄດ້ຕາມໂມງເຮັດວຽກລັດຖະການ ວັນຈັນຫາວັນສຸກ)

 

 

 

Similar Posts

BUY INSURANCE