ບໍລິສັດ ລ້ານຊ້າງ ປະກັນໄພ ຂໍມອບນໍ້າໃຈຊ່ວຍເຫຼືອສັງຄົມ ຕ້ານພະຍາດລະບາດ ໂຄວິດ-19

ບໍລິສັດ ລ້ານຊ້າງ ປະກັນໄພ ຂໍມອບນໍ້າໃຈຊ່ວຍເຫຼືອສັງຄົມ ຕ້ານພະຍາດລະບາດ ໂຄວິດ-19 ດ້ວຍການປະກອບສ່ວນຊ່ວຍເຫຼືອອຸປະກອນການແພດທີ່ຈໍາເປັນບາງລາຍການ.  
  ໃນວັນທີ 10 ພຶດສະພາ 2021 ບໍລິສັດລ້ານຊ້າງປະກັນໄພ ໄດ້ອີງຕາມການເກັບກໍາຂໍ້ມູນຈາກທາງຄະນະສະເພາະກິດກ່ຽວກັບອຸປະກອນການແພດທີ່ມີຄວາມຈໍາເປັນໃນການນໍາໃຊ້ ແລະ ຍັງຂາດເຂີນຢູ່ສາງໃນປັດຈຸບັນ. ຕໍ່ກັບຄວາມຈໍາເປັນດັ່ງກ່າວ ທາງບໍລິສັດ ລ້ານຊ້າງປະກັນໄພ ຈິ່ງເຫັນດີຊ່ວຍເຫຼືອ ດ້ວຍການປະກອບສ່ວນຊ່ວຍເຫຼືອທາງດ້ານອຸປະກອນການແພດເຊັ່ນ: ເຄື່ອງວັດແທກຄວາມດັນ ຈໍານວນ 5 ເຄື່ອງ, ເຫຼົ້າ 90 ປະລິມານ 500 ລິດ ແລະ ເຈນແອວກໍຮໍ ປະລິມານ 500 ມິນລີລິດ ລວມມູນຄ່າທັງໝົດ 20.000.000 ກີບ ແລະ ໄດ້ມອບຮັບເປັນທີ່ຮຽບຮ້ອຍ ໃນຕອນບ່າຍຂອງວັນທີ 12 ພຶດສະພາ 2021 ຢູ່ທີ່ ຫ້ອງການກະຊວງສາທາລະນະລຸກ ຄະນະສະເພາະກິດສະກັດກັ້ນປ້ອງກັນ, ຄວບຄຸມ ແລະ ແກ້ໄຂພະຍາດລະບາດ ໂຄວິດ-19. 
ຂໍຂອບໃຈ ຫ້ອງການກະຊວງສາທາລະນະສຸກ ຄະນະສະເພາະກິດສະກັດກັ້ນປ້ອງກັນ, ຄວບຄຸມ ແລະ ແກ້ໄຂການພະຍາດລະບາດ ໂຄວິດ-19 ທີ່ເປັນຂົວຕໍ່ຫຼັກໃນການຊ່ວຍເຫຼືອສັງຄົມໃຫ້ແກ່ພວກເຮົາ ແລະ ອີກຫຼາຍພາກສ່ວນ. 

ສໍາຫຼັບທ່ານໃດທີ່ຕ້ອງການຢາກຈະປະກອບສ່ວນຊ່ວຍເຫຼືອສັງຄົມຕ້ານພະຍາດລະບາດ ໂຄວິດ-19 ທ່ານສາມາດຕິດຕໍ່ພົວພັນໂດຍຕົງໄດ້ທີ່ ຫ້ອງການກະຊວງສາທາລະນະສຸກ. (ຂໍຂອບໃຈ)
 

 

 

Similar Posts

BUY INSURANCE